Двојна програма и двојна победа на нашите младинци!

Перфектен викенд за нашите М-12 и М-16 селекции!

Први настапија М-12 селекција на домашен терен против екипата на КК Тиквеш од Кавадарци. Натпреварот беше израмнет до крај, но сепак нашите млади кошаркари покажаа победнички менталитет и извојуваа уште една победа со резултат 39:33. Со овој натпревар завршија натпреварите по групи и по 10 одиграни кола, М-12 селекција има 7 победи и 3 порази и се наоѓа на второто место на табелата со што се пласира во понатамошните натпреварувања.

Втори настапија М-16 селекција и тоа на гостински терен против екипата на КК Соколи 1933 во Штип, каде што извојуваа убедлива победа од 76:29.💪💪

Нашите момци со одлична тимска кошарка дојдоа до посакуваниот резултат. Најефикасен на натпреварот беше Давид Петров со 19 поени. Не застануваме овде, продолжуваме со напорна работа до уште поуспешни резултати.